តើដំណាំណាខ្លះរបស់កម្ពុជា ដែលមានសក្ដានុពលនាំចេញខ្ពស់ជាងគេក្នុងទីផ្សារអឺរ៉ុប និងក្នុងតំបន់?

អូស្ត្រាលីបានផ្តល់មូលនិធិដល់ការស្រាវជ្រាវដើម្បីជួយឆ្លើយតបទៅនឹងសំណួរនេះ - សូមស្កែន QR code ដើម្បីស្វែងរកនូវចម្លើយ!

ការស្រាវជ្រាវនេះផ្តោតលើការយល់ដឹងស៊ីជម្រៅអំពីដំណាំនានា តម្រូវការទីផ្សារ ចំនង់ចំណូលចិត្តអ្នកប្រើប្រាស់ និងនិន្នាការ តម្លៃ ការប្រើប្រាស់ផលិតផល និងអតិថិជនសក្តានុពល។ ព័ត៌មានទាំងនេះ នៅពេលប្រើប្រាស់ជាយុទ្ធសាស្ត្រ ជួយបង្កើនសក្តានុពលក្នុងការចាប់យកអត្ថប្រយោជន៍រយៈពេលវែងសម្រាប់វិស័យកសិកម្មនៅកម្ពុជា។

ការស្រាវជ្រាវនេះ បានរាយឈ្មោះមុខដំណាំដែលមានសក្តានុពលបំផុតចំនួនប្រាំបួន សម្រាប់ការនាំចេញទៅកាន់ទីផ្សារនៅក្នុងប្រទេសសមាជិកភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) និងសហភាពអឺរ៉ុប។

កម្មវិធីអភិវឌ្ឍន៍សេដ្ឋកិច្ចថ្មីមួយរបស់ប្រទេសអូស្ត្រាលី ភាពជាដៃគូ កម្ពុជា អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់ (CAPRED) មានគោលបំណងធ្វើទំនើបកម្មវិស័យកសិកម្មនៅកម្ពុជា និងជំរុញកំណើនសេដ្ឋកិច្ចប្រកបដោយនិរន្តរភាព បរិយាបន្ន និងភាពធន់។ កម្មវិធីនេះបន្តធ្វើការងារទៅលើ កម្មវិធីរបស់អូស្រ្តាលី ដែលបានបញ្ចប់ កម្មវិធីខ្សែសង្វាក់តម្លៃកសិកម្មកម្ពុជា-អូស្ត្រាលី (CAVAC) ដែលបានបង្កើតការសិក្សានេះ។