សមភាពយេនឌ័រ ពិការភាព និងបរិយាបន្នសង្គម

សមភាពយេនឌ័រ ពិការភាព និងបរិយាបន្នសង្គម (GEDSI) គឺជាអាទិភាពមួយរបស់រដ្ឋាភិបាលអូស្ត្រាលី។ អាទិភាពនេះ មានផលជះលើសង្គមគ្រប់វិស័យ និងគ្រប់កម្រិត។ សមភាព និងបរិយាបន្ន មានសារៈសំខាន់ក្នុងការដោះស្រាយឧបសគ្គ ដែលបង្កការរាំងស្ទះដល់កំណើនសេដ្ឋកិច្ចនៅកម្ពុជា និងរួមចំណែកកសាងសេដ្ឋកិច្ចប្រកបដោយភាពធន់។ ដោយហេតុនេះហើយ ទើបយើងបញ្ចូល GEDSI ទៅក្នុងគ្រប់សកម្មភាពដែលយើងធ្វើ។

កម្មវិធី CAPRED មានគោលបំណងធានាថាស្ត្រី ជនមានពិការភាព និងក្រុមងាយរងគ្រោះបានចូលរួម និងទទួលអត្ថប្រយោជន៍យ៉ាងពេញលេញពីការអភិវឌ្ឍសេដ្ឋកិច្ច និងការវិនិយោគនានា។ កម្មវិធី CAPRED ដោះស្រាយមូលដា្ឋននៃផ្នត់គំនិតសង្គម គាំទ្រឱ្យស្ត្រីក្លាយជាម្ចាស់ធុរកិច្ច និងជាអ្នកដឹកនាំក្នុងវិស័យឯកជន ព្រមទាំងជំរុញគោលនយោបាយ និងការអនុវត្តបរិវត្តកម្មផ្នែក GEDSI ក្នុងគោលនយោបាយនានារបស់រាជរដ្ឋាភិបាល និងវិស័យឯកជន។

នៅប្រទេសកម្ពុជា កម្លាំងពលកម្មក្នុងវិស័យក្រៅប្រព័ន្ធដ៏ច្រើនលើសលប់ គឺជាស្ត្រី។ ស្ត្រីច្រើនតែធ្វើការជាងបុរសនៅក្នុងការងារដែលពុំមានប្រាក់ឈ្នួល ឬការងារពុំជាប់លាប់ ធ្វើការក្នុងលក្ខខណ្ឌមិនគាប់ប្រសើរ និងពុំបានទទួលអត្ថប្រយោជន៍ពីកម្មវិធីគាំពារសង្គមនានា។ ភាពក្រីក្រដែលប្រមូលផ្ដុំនៅទីជនបទ និងការរីកកាន់តែធំនៃគម្លាតរវាងតំបន់ប្រជុំជន និងតំបន់ជនបទ គឺជាឧបសគ្គសំខាន់ៗដែលធ្វើឱ្យរាំងស្ទះដល់កំណើនប្រកបដោយបរិយាបន្ន។

ជនមានពិការភាពងាយនឹងធ្លាក់ចូលទៅក្នុងភាពក្រីក្រ ហើយលទ្ធភាពដែលពួកគេអាចនឹងមានការងារធ្វើ​ គឺមានតិចជាង២០%។ ក្រុមជនជាតិដើមភាគតិច និងជនជាតិភាគតិច គឺជាក្រុមដែលមានឱកាសតិចតួច និងងាយរងគ្រោះ ដែលពួកគេមានអត្រាគ្មានដីខ្ពស់ មានសុខភាពខ្សោយ និងមានអត្រាអក្ខរកម្មទាប។

កម្មវិធី CAPRED ប្រើប្រាស់អភិក្រមអន្តរវិស័យ ដើម្បីជំរុញសមភាព និងបរិយាបន្ន។ យើងបញ្ចូល GEDSI ទៅក្នុងអ្វីៗគ្រប់បែបយ៉ាងដែលយើងធ្វើ ដោយធ្វើការពិចារណាពីផលប្រយោជន៍ តម្រូវការ ភាពងាយរងគ្រោះ និងបញ្ហាប្រឈមផ្សេងៗគ្នារបស់អ្នកពាក់ព័ន្ធ និងផ្តល់ឱកាសប្រកបដោយសមធម៌ ដើម្បីឱ្យពួកគេបានចូលរួម និងទទួលអត្ថប្រយោជន៍។ GEDSI ក៏អនុវត្តសកម្មភាពផ្ដោតលើភាពជាតំណាង ការទប់ស្កាត់អំពើហិង្សាលើស្ត្រី និងក្រុមងាយរងគ្រោះ សេដ្ឋកិច្ចដែលគិតគូរពីសុខមាលភាព (care economy) និងការអភិវឌ្ឍសហគ្រាសប្រកបដោយបរិវត្តកម្មផងដែរ។ ការចូលរួមដែលនាំមកនៅបរិវត្តកម្មផ្នែក GEDSI ក្នុងការអភិវឌ្ឍសហគ្រាស ផ្ដល់ឱកាសដ៏សំខាន់មួយ ដើម្បីលើកកម្ពស់ជីវភាពរស់នៅរបស់ស្ត្រី ជនមានពិការភាព និងជនងាយរងគ្រោះ។

សេដ្ឋកិច្ចដែលគិតគូរពីសុខមាលភាព

ស្ត្រីកម្ពុជាទទួលខុសត្រូវដ៏ច្រើនលើសលប់លើការងារថែទាំដោយពុំទទួលបានប្រាក់កម្រៃ។ បុរសកម្ពុជាបំពេញការងារថែទាំដោយពុំទទួលបានប្រាក់កម្រៃក្រោម ៩% ដែលនេះជាអត្រាទាបជាងគេកម្រិតទី ២ ក្នុងចំណោមប្រទេសចំនួន​ ៦៧ (អង្គការអន្តរជាតិខាងការងារ)។

បន្ទុកការងារថែទាំរបស់ស្ត្រី គឺជាឧបសគ្គដ៏ធំមួយ ដែលរារាំងធ្វើឱ្យពួកគេមិនអាចចាប់យកឱកាសធ្វើការងារ ប្រកបអាជីវកម្ម កាន់តួនាទីជាអ្នកដឹកនាំ ទទួលបានការអប់រំ ការអភិវឌ្ឍផ្ទាល់ផ្ទាល់ខ្លួន និងការកម្សាន្តនានា។

ការទទួលស្គាល់លើការងារថែទាំមានសារៈសំខាន់ ដើម្បីលើកកម្ពស់សមភាពយេនឌ័រ និងធានានូវផលប្រយោជន៍សម្រាប់សង្គម និងសេដ្ឋកិច្ចឱ្យបានកាន់តែទូលំទូលាយ។ កន្លែងថែទាំកុមារ គឺជាហេដ្ឋារចនាសម្ព័ន្ធដ៏សំខាន់ និងចាំបាច់ បំភាយកាបូនទាប និងមានភាពឆ្លាតវៃផ្នែកយេនឌ័រ ដែលផ្តល់នូវអត្ថប្រយោជន៍យ៉ាងច្រើន។

វិស័យផ្តល់សេវាថែទាំឯកជននៅកម្ពុជា ទំនងនឹងមានការរីកចម្រើនយ៉ាងឆាប់រហ័ស នៅឆ្នាំខាងមុខនេះ រាប់បញ្ចូលទាំងសេវាថែទាំមនុស្សចាស់ផងដែរ។

កម្មវិធី CAPRED កំពុងរួមចំណែកការកសាងវិស័យផ្តល់សេវាថែទាំ និងសេដ្ឋកិច្ចសុខមាលភាព ប្រកបដោយបរិយាបន្ន និងមានភាពរឹងមាំ ដោយសហការក្នុងភាពជាដៃគូជាមួយរាជរដ្ឋាភិបាលកម្ពុជា និងក្រុមហ៊ុនឯកជន។

GEDSI និងការប្រែប្រួលអាកាសធាតុ

ស្ត្រី និងក្រុមដែលងាយរងគ្រោះ គឺរងផលប៉ះពាល់ដ៏ច្រើនលើសលុប ដោយសារការប្រែប្រួលអាកាសធាតុ នៅកម្ពុជា ក៏ដូចជានៅក្នុងប្រទេសដទៃទៀត។ កម្មវិធី CAPRED ទទួលស្គាល់ពីភាពបន្ទាន់​​ និងសារៈសំខាន់នៃការប្រែប្រួលអាកាសធាតុ​ និងទំនាក់ទំនងរបស់វាជាមួយនឹងបរិយាបន្នសង្គម។ កម្មវិធី CAPRED ព្យាយាមបញ្ចូលភាពធន់នឹងអាកាសធាតុទៅក្នុងរាល់អភិក្រម និងសកម្មភាពទាំងអស់របស់យើង និងតែងផ្តល់ឱកាសគាំទ្រដល់សហគ្រិនភាពផ្នែកអាកាសធាតុ ក្នុងការដឹកនាំអាជីវកម្មដែលផ្តោតសំខាន់លើ​​ GEDSI។​

ធនធានចុងក្រោយ

មើលធនធានចុងក្រោយបំផុតរបស់យើងពីទូទាំងកម្មវិធី CAPRED ។

មើល​ច្រើន​ទៀត

តើលោកអ្នកជាម្ចាស់អាជីវកម្មខ្នាតតូច ហើយមិនទាន់បានស្នើសុំអាជ្ញាប័ណ្ណដើម្បីដំណើរការមែនទេ? យើងមានដំណឹងល្អសម្រាប់លោកអ្នក។ ថ្មីៗនេះ ប្រទេសអូស្ត្រាលីបានគាំទ្រក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដើម្បីបើកដំណើរការប្រព័ន្ធផ្តល់សេវាសាធារណៈឌីជីថលរបស់ខ្លួន សម្រាប់ស្នើសុំអាជ្ញាប័ណ្ណអាជីវកម្មអនឡាញ។ វិបផតថលនេះកាត់បន្ថយការចំណាយពេលវេលា និងកំលាំង ដោយយើងអាចសម្រួលដំណើរការក្នុងការស្នើសុំអាជ្ញាប័ណ្ណ ជាពិសេសវាផ្តល់អត្ថប្រយោជន៍ដល់ជនដែលមានពិការភាព ឬអ្នកដែលរស់នៅក្នុងតំបន់ដាច់ស្រយាល។ តាមរយៈប្រព័ន្ធផ្តល់សេវាសាធារណៈឌីជីថលនេះ លោកអ្នកអាចស្នើសុំប្រកាសដើម្បីបង្កើតសហគ្រាសធុនតូច និងមធ្យម (SMEs) ឬអាជីវកម្មសិប្បកម្ម ហើយស្នើសុំ ឬសុំបន្តអាជ្ញាប័ណ្ណ ដើម្បីដំណើរការអាជីវកម្មបែបនេះ។ គំនិតផ្តួចផ្តើមនេះមានគោលបំណងជំរុញកំណើនសេដ្ឋកិច្ចរបស់កម្ពុជា តាមរយៈការជួយបង្កើតជាផ្លូវការនូវវិស័យសហគ្រាសធុនតូចនិងមធ្យម សិប្បកម្ម និងឧស្សាហកម្ម ដែលមានជាង៧០%នៃការងារនៅក្នុងប្រទេសទាំងមូល។ អូស្ត្រាលីប្តេជ្ញាគាំទ្រកម្ពុជា ដើម្បីបង្កើតបរិយាកាសដែលអាចធ្វើអាជីវកម្ម ជំរុញកំណើនសេដ្ឋកិច្ច ប្រកបដោយភាពធន់ បរិយាបន្ន និងនិរន្តរភាព តាមរយៈកម្មវិធី CAPRED របស់ខ្លួន។ តើលោកអ្នកត្រៀមខ្លួនហើយឬនៅ? សូមចូលទៅកាន់ប្រព័ន្ធផ្តល់សេវាសាធារណៈឌីជីថល ដែលមាននៅទីនេះ៖ https://services.misti.gov.kh/ សូមទស្សនាវីដេអូ ដើម្បីស្វែងយល់បន្ថែម។

តើអ្នកដឹងទេ? ប្រមាណជា ៩៩.៨% នៃអាជីវកម្មកម្ពុជា គឺជាសហគ្រាសធុនមីក្រូ តូច និងមធ្យម (MSMEs) ហើយ ៦១% នៃទាំងនោះមានស្រ្តីជាម្ចាស់។ ប្រទេសអូស្ត្រាលី តាមរយៈកម្មវិធីអភិវឌ្ឍន៍សេដ្ឋកិច្ចដ៏សំខាន់របស់ខ្លួន គឺកម្មវិធីភាពជាដៃគូ កម្ពុជា អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់ (CAPRED) បានគាំទ្រក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI) ក្នុងការបង្កើត និងដាក់ឱ្យដំណើរការ ក៏ដូចជាផ្សព្វផ្សាយអំពីផែនការយុទ្ធសាស្រ្តបញ្ជ្រាបសមភាពយេនឌ័រ ពិការភាព និងបរិយាបន្នសង្គម (GEDSI-MAP) ឆ្នាំ ២០២៣-២០២៨។ លោកជំទាវ ឡាយ ណាវីន រដ្ឋលេខាធិការ និងប្រធានក្រុមការងារ GEDSI នៃក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានគូសបញ្ជាក់ពីសារៈសំខាន់នៃផែនការនេះ ដើម្បីធានាឱ្យបាននូវឱកាសចូលរួម មិនត្រឹមតែសម្រាប់ស្រ្តីនោះទេ គឺរាប់បញ្ចូលទាំងជនមានពិការភាព ជនជាតិដើមភាគតិច និងជនដែលងាយរងគ្រោះផងដែរ។ មើលវីដេអូនេះ សម្រាប់ព័ត៌មានបន្ថែម។ Through its flagship economic development program, the Cambodia Australia Partnership for Resilient Economic Development (CAPRED), Australia supported the Ministry of Industry, Science, Technology & Innovation (MISTI) to develop, launch and disseminate the Gender Equality, Disability and Social Inclusion Mainstreaming Action Plan (GEDSI-MAP) 2023–2028. H.E. Lay Navinn, MISTI Secretary of State and Chairperson of the GEDSI Action Group, underscored the importance of the plan in ensuring opportunities for and participation by not only women but people with disability, ethnic minorities and other marginalised groups.

អូស្ត្រាលីមានសេចក្តីសោមនស្សរីករាយ ដែលបានគាំទ្រកម្ពុជាក្នុងការដាក់ឱ្យដំណើរការប្រព័ន្ធផ្តល់សេវាសាធារណៈឌីជីថលថ្មីមួយនេះ ក្នុងឱកាសទិវាជាតិ សហគ្រាសធុនមីក្រូ តូច និងមធ្យម ឆ្នាំ២០២៤ លើកទី ១។ កម្មវិធីនេះប្រព្រឹត្តិទៅ នៅថ្ងៃទី ២៧ ខែ មិថុនា ក្រោមអធិបតីភាព ឯកឧត្តមបណ្ឌិត អូន ព័ន្ធមុនីរ័ត្ន ឧបនាយករដ្ឋមន្ត្រីនៃប្រទេសកម្ពុជា ព្រមទាំងមានការចូលរួមដោយ សហគ្រិន និងតំណាងមកពីសមាគមធុរកិច្ច ស្ថាប័នក្រសួង និងដៃគូអភិវឌ្ឍន៍នានា។ ប្រព័ន្ធឌីជីថលមួយនេះ ជួយសម្រួលដល់ដំណើរការស្នើសុំអាជ្ញាប័ណ្ណ ដោយអនុញ្ញាតឱ្យ ម្ចាស់សហគ្រាសធុនតូច និងមធ្យម ម្ចាស់សិប្បកម្ម និងឧស្សាហកម្មអាចស្នើសុំ ឬបន្តអាជ្ញាប័ណ្ណរបស់ពួកគេបានតាមប្រព័ន្ធឌីជីថល ។ ប្រព័ន្ធឌីជីថលនេះ ត្រូវបានបង្កើតឡើងក្រោមភាពជាដៃគូរវាង ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងប្រទេសអូស្ត្រាលី តាមរយៈកម្មវិធី CAPRED ។ គំនិតផ្តួចផ្តើមនេះមានគោលបំណងធ្វើឱ្យប្រសើរឡើងនូវបរិយាកាសធុរកិច្ច ប្រកបដោយបរិយាបន្ន និងតម្លាភាពបន្ថែមទៀត ដើម្បីជំរុញកំណើនសេដ្ឋកិច្ចកម្ពុជាប្រកបដោយនិរន្តរភាព បរិយាបន្ន និងភាពធន់។ សូមទស្សនាវីដេអូ នៃកម្មវិធីសម្ពោធប្រព័ន្ធផ្តល់សេវាសាធារណៈឌីជីថលថ្មីមួយនេះ ដើម្បីស្វែងយល់បន្ថែម។

អូស្ត្រាលីគាំទ្រអាជីវកម្មខ្នាតតូចរបស់កម្ពុជា ជាមួយ...

អូស្ត្រាលីមានមោទនភាពក្នុងការជួយដល់ប្រទេសកម្ពុជាដើម...

អូស្ត្រាលី និងកម្ពុជា រួមគ្នាដាក់បង្ហាញប្រព័ន្ធផ្ត...

ព័ត៌មាន និងករណីសិក្សា

សូមអានព័ត៌មាន និងករណីសិក្សាបច្ចុប្បន្នភាពចុងក្រោយនៃកម្មវិធី CAPRED ដើម្បីឈ្វេងយល់បន្ថែមអំពីការងាររបស់យើង។

មើល​ច្រើន​ទៀត
Agriculture and Agro-Processing

អូស្ត្រាលី សហការជាមួយវិទ្យាស្ថានប៉ាស្ទ័រកម្ពុជា ដើ...

Agriculture and Agro-Processing

អូស្ត្រាលី បន្តជួយគាំទ្រវិស័យកសិកម្មនៅកម្ពុជាឱ្យស...

Agriculture and Agro-Processing

អូស្ត្រាលី និងកម្ពុជា រួមគ្នា ដើម្បីសម្រេចបានគោលដៅ...