​ការគាំទ្រលើផ្នែកគោលនយោបាយ

គោលនយោបាយ គឺជាបេះដូងនៃការងារដែលយើងកំពុងធ្វើ។ កម្មវិធី CAPRED ជំរុញឱ្យមានការកែទម្រង់គោលនយោបាយសំខាន់ៗប្រកបដោយនិរន្តភាព ដោយផ្អែកលើមូលដ្ឋានវិនិយោគជាក់លាក់​​​ និងដោយផ្ទាល់។

កម្ពុជាកំពុងត្រៀមខ្លួនសម្រាប់ពេលដែលសេដ្ឋកិច្ចសកលមានបរិវត្តកម្ម។ កម្ពុជាចាំបាច់ត្រូវរៀបចំគោលនយោបាយ ផ្អែកលើភ័ស្តុតាង​​ជាក់លាក់​ ពោលគឺត្រូវគិតនៅខាងក្រៅគំរូសេដ្ឋកិច្ចនៃការប្រមូលផ្ដុំកម្លាំងពលកម្ម និងមូលធន។

អង្គភាពគោលនយោបាយ ផ្តល់ជំនួយបច្ចេកទេសដល់ស្ថាប័នសំខាន់ៗរបស់រាជរដ្ឋាភិបាលកម្ពុជា ក្នុងការរៀបចំ អនុវត្ត ពិនិត្យឡើងវិញ និងពង្រឹងគោលនយោបាយ និងកម្មវិធីជាអាទិភាពនានា ដែលផ្ដោតលើការវិនិយោគរបស់រដ្ឋ និងឯកជន។ អង្គភាពគោលនយោបាយនេះ ផ្ដោតលើការភ្ជាប់ទំនាក់ទំនងជាមួយស្ថាប័ននៅប្រទេសអូស្ត្រាលី គាំទ្រដល់ការអនុវត្ត និងពង្រឹងការបញ្ចូលសមភាពយេនឌ័រ ពិការភាព និងបរិយាបន្នសង្គម (GEDSI) ទៅក្នុងការតាក់តែងគោលនយោបាយ។

ការគាំទ្រផ្នែកគោលនយោបាយដល់រាជរដ្ឋាភិបាលកម្ពុជា

អភិក្រមរបស់យើង

អង្គភាពគោលនយោបាយ មានគោលបំណងគាំទ្រឱ្យមានការអនុវត្តគោលនយោបាយកាន់តែប្រសើរ តាមរយៈការប្រើប្រាស់អភិក្រម “ពីក្រោមឡើងលើ” និង “ពីលើចុះក្រោម” ដែលមានភាពប្រទាក់ក្រឡាគ្នា។

អភិក្រម”ពីក្រោមឡើងលើ”

អង្គភាពគោលនយោបាយនេះ ប្រើប្រាស់អភិក្រមផ្អែកលើបញ្ហា តាមរយៈការធ្វើការងារដោយផ្ទាល់ជាមួយនឹងក្រសួងស្ថាប័នជំនាញ និងវិស័យឯកជន។ អង្គភាពនេះផ្ដោតលើបញ្ហា គោលនយោបាយគតិយុត្ត និងបញ្ហាជាក់ស្ដែងក្នុងវិស័យសំខាន់ៗ ដែលធ្វើឱ្យរាំងស្ទះដល់ការវិនិយោគ។ អង្គភាពនេះធ្វើការកំណត់ និងសាកល្បងអភិក្រមនានា ដើម្បីដោះស្រាយបញ្ហាទាំងនេះ និងដើម្បីបង្កភាពងាយស្រួលដល់ការវិនិយោគ។

នេះរួមមាន កាវិនិយោគរួមគ្នា ការជួយសាកល្បងលើគំរូធុរកិច្ច សេវាកម្ម និងគំរូហិរញ្ញប្បទានថ្មីៗ, ការកសាងភាពជាដៃគូ ឬពង្រឹងកិច្ចសន្ទនារវាងរដ្ឋ និងឯកជន, ការជួយឆ្លើយតបចំពោះបញ្ហាកង្វះព័ត៌មាន ឬកង្វះការសម្របសម្រួលនៅក្នុងវិស័យឯកជន ព្រមទាំងបង្កើនសមត្ថភាពនៃវិស័យសាធារណៈ និងវិស័យឯកជន។

អភិក្រម”ពីលើចុះក្រោម”

ក្រុមការងារគាំទ្រលើផ្នែកគោលនយោបាយនេះ ផ្តល់ជំនួយបច្ចេកទេសដល់ទីភ្នាក់ងារនានានៃរាជរដ្ឋាភិបាលកម្ពុជា ដើម្បីប្រែក្លាយយុទ្ធសាស្ត្រស្ដារសេដ្ឋកិច្ចកម្រិតខ្ពស់របស់រាជរដ្ឋាភិបាល ទៅជាវិធានការគោលនយោបាយកាន់តែលម្អិត និងគាំទ្រដល់ការអនុវត្ត។

ធនធានចុងក្រោយ

មើលធនធានចុងក្រោយបំផុតរបស់យើងពីទូទាំងកម្មវិធី CAPRED ។

មើល​ច្រើន​ទៀត

ទោះបីជាប្រទេសកម្ពុជាជាប់ចំណាត់ថ្នាក់ក្នុងចំណោមប្រទេសអ្នកផលិតគ្រាប់ស្វាយចន្ទីកំពូលទាំងបីនៅទូទាំងពិភពលោក ប៉ុន្តែមានតែ ១០ភាគរយនៃគ្រាប់ស្វាយចន្ទីទាំងនោះប៉ុណ្ណោះ ត្រូវបានកែច្នៃនៅកម្ពុជា ក្រៅពីនេះ ត្រូវបានគេនាំចេញទៅកាន់បណ្តាលប្រទេសជិតខាង។ អូស្ត្រាលី តាមរយៈកម្មវិធី CAPRED កំពុងព្យាយាមជួយដល់ការសាកល្បងប្រើប្រាស់ម៉ាស៊ីនបកសំបកគ្រាប់ស្វាយចន្ទីថ្មី ដែលផលិតនៅកម្ពុជា ដើម្បីជួយបង្កើនសមត្ថភាពការកែច្នៃគ្រាប់ស្វាយចន្ទីក្នុងប្រទេសសម្រាប់អាជីវកម្មខ្នាតតូច។ ម៉ាស៊ីនទាំងនេះ មានតម្លៃសមរម្យ ទំហំតូច មិនត្រូវការទីតាំងធំ និងងាយស្រួលប្រើប្រាស់។ ម៉ាស៊ីននេះជួយពង្រឹងគុណភាព និងសមត្ថភាពកែច្នៃ មានសុវត្ថិភាពសម្រាប់កម្មករ និងជួយបង្កើនប្រាក់ចំណូលឱ្យមានភាពប្រសើរឡើងជាងមុន។ អ្នកប្រើប្រាស់ម៉ាស៊ីននេះដំបូងម្នាក់ ឈ្មោះ ឌុក ភិរម្យ បានរៀបរាប់ថា ម៉ាស៊ីននេះ អាចបង្កើនទិន្នផលនៃការកែច្នៃគ្រាប់ស្វាយចន្ទីបានទ្វេដង គឺកើនពី ៥០ ទៅ ១០០ គីឡូក្រាមក្នុងមួយថ្ងៃ។ កាលពីពេលថ្មីៗនេះ ភារធារី Pablo Kang បានធ្វើទស្សនកិច្ចទៅកាន់ខេត្តសៀមរាប ដើម្បីពិនិត្យមើលពីបច្ចេកវិទ្យាថ្មីដែលកំពុងដាក់ដំណើរការ ដែលជាផ្នែកមួយនៃកិច្ចខិតខំប្រឹងប្រែងរបស់អូស្ត្រាលីក្នុងការធ្វើអោយវិស័យគ្រាប់ស្វាយចន្ទីកាន់តែប្រសើរឡើង។ សូមទស្សនាវីដេអូនេះដើម្បីស្វែងយល់បន្ថែម។

សូមអបអរសាទរដល់ កញ្ញា ស្រួ សោគន្ធិកា សហស្ថាបនិក និងនាយកប្រតិបត្តិនៃហ្វាម ហេរ៉ូ និងស្ថាបនិកអាជីវកម្មខ្នាតតូច និងធំចំនួនប្រាំពីរផ្សេងទៀត ក្នុងដំណើរបន្តជាមួយនឹងកម្មវិធីពន្លឿនអាជីវកម្មឆ្នៃ CNai Accelerator ដែលគាំទ្រដោយកម្មវិធីភាពជាដៃគូ កម្ពុជា អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់ (CAPRED)។ កម្មវិធី CNai បានកំណត់ព្រឹត្តិការណ៍សំខាន់ដំបូងរបស់ខ្លួនជាមួយនឹងការធ្វើបទបង្ហាញអាជីវកម្ម។ បន្ទាប់ពីរយៈពេលពីរខែនៃការចូលរួមក្នុងសិក្ខាសាលាអាជីវកម្ម និងការរៀនអនុវត្ត ពួកគេបានបង្ហាញបេសកកម្ម និងផែនការអាជីវកម្មរបស់ខ្លួនសម្រាប់មតិកែលម្អទៅកាន់ក្រុមវាគ្មិនអ្នកជំនាញ។ ព្រឹត្តិការណ៍នេះបានជួយវាយតម្លៃការរួមចំណែកក្នុងអាជីវកម្មរបស់ពួកគេសម្រាប់ដំណាក់កាលបន្ទាប់។ សូមទស្សនាវីដេអូនេះ ដើម្បីស្តាប់ពីបទពិសោធន៍ និងអត្ថប្រយោជន៍ដែលបានទទួលពីអ្នកចូលរួមកម្មវិធី CNai។

អូស្ត្រាលីគាំទ្រដល់អ្នកកែច្នៃគ្រាប់ស្វាយចន្ទីនៅកម្...

ពីវគ្គបណ្តុះបណ្តាលរហូតដល់ការធ្វើបទបង្ហាញអាជីវកម្ម៖...

ព័ត៌មាន និងករណីសិក្សា

សូមអានព័ត៌មាន និងករណីសិក្សាបច្ចុប្បន្នភាពចុងក្រោយនៃកម្មវិធី CAPRED ដើម្បីឈ្វេងយល់បន្ថែមអំពីការងាររបស់យើង។

មើល​ច្រើន​ទៀត
Infrastructure Development

អូស្ត្រាលីលើកកម្ពស់សិទ្ធអំណាចវិស្វករទឹកស្ត្រី ក្នុ...

Trade, Investment and Enterprise Development

កម្ពុជា និងអូស្ត្រាលី សហការគ្នាដើម្បីបង្កើនការវិនិ...

Policy Hub

សមាគមន៍អ្នកផ្គត់ផ្គង់ទឹកស្អាតកម្ពុជារៀបចំសន្និបាតប...