ការអភិវឌ្ឍហេដ្ឋារចនាសម្ព័ន្ធ

ការអភិវឌ្ឍហេដ្ឋារចនាសម្ព័ន្ធសាធារណៈ -- ដូចជា ប្រព័ន្ធគមនាគមន៍ ថាមពល ទឹកស្អាត ទំនាក់ទំនង និងអនាម័យ -- ដើរតួនាទីយ៉ាងសំខាន់ក្នុងការជំរុញកំណើនសេដ្ឋកិច្ចប្រកបដោយភាពធន់ បរិយាបន្ន និងនិរន្តភាព។ ដើម្បីឱ្យកំណើនក្នុងកម្រិតបច្ចុប្បន្ននៅមានបន្ត មានការប៉ាន់ប្រមាណថា កម្ពុជាត្រូវការការវិនិយោគលើហេដ្ឋារចនាសម្ព័ន្ធចន្លោះពី ២៨ ទៅ ៣០ ពាន់លានដុល្លារ ចន្លោះពីឆ្នាំ ២០១៦ ដល់ឆ្នាំ ២០៤០។

ការវិនិយោគពីវិស័យឯកជនអាចជួយភ្ជាប់គម្លាតនេះ និងកាន់តែមានតួនាទីសំខាន់នៅពេលដែលកម្ពុជាក្លាយជាប្រទេសដែលមានចំណូលមធ្យមកម្រិតខ្ពស់។

រាជរដ្ឋាភិបាលកម្ពុជាកំពុងលើកទឹកចិត្តឱ្យមានការវិនិយោគពីវិស័យឯកជន តាមរយៈការពង្រឹងក្របខ័ណ្ឌគតិយុត្ត (ច្បាប់វិនិយោគឆ្នាំ ២០២១ និងច្បាប់ស្ដីពីភាពជាដៃគូរវាងរដ្ឋ និងឯកជន ឆ្នាំ ២០២១)។

កម្មវិធី CAPRED ផ្ដោតការយកចិត្តទុកដាក់លើការពង្រឹងតួនាទីរបស់វិស័យឯកជន ក្នុងវិស័យផ្គត់ផ្គង់ទឹកស្អាតតាមបំពង់ ការវិនិយោគលើថាមពលកកើតឡើងវិញ និងប្រសិទ្ធភាពថាមពល។ កម្មវិធី CAPRED ក៏នឹងស្វែងរកប្រភពហិរញ្ញប្បទានដទៃទៀតសម្រាប់វិនិយោគលើហេដ្ឋារចនាសម្ព័ន្ធ ដូចជា សំណើវិនិយោគ ភាពជាដៃគូវាងវិស័យរដ្ឋ និងឯកជន និងប័ណ្ណបំណុលហេដ្ឋារចនាសម្ព័ន្ធបៃតងជាដើម។

អភិក្រមរបស់យើង

ឈ្វេងយល់ និងប្រមូលព័ត៌មានទីផ្សារជុំវិញការអភិវឌ្ឍហេដ្ឋារចនាសម្ព័ន្ធ
អភិវឌ្ឍទីផ្សារប្រសិទ្ធភាពថាមពល និងបច្ចេកវិទ្យាទំនើប
ធានាឱ្យមានការបង្កើតបរិយាបន្នក្នុងការវិនិយោគហេដ្ឋាសម្ព័ន្ធ
រចនាគម្រោងហេដ្ឋារចនាសម្ព័ន្ធផ្អែកលើព័ត៌មានអាកាសធាតុ ដើម្បីឱ្យកាន់តែធន់ទៅនឹងអាកាសធាតុ
បំពេញបន្ថែម និងសហការជាមួយដៃគូជាយុទ្ធសាស្ត្រនានា

ទឹកស្អាតតតាមបំពង់ដែលមានតម្លៃសមរម្យ

ទឹកស្អាតតាមបំពង់ គឺជាស្តង់ដារមាស ដើម្បីលើកកម្ពស់ការទទួលបានទឹកស្អាតប្រកបដោយនិរន្តភាព។ ការទទួលបានទឹកប្រើប្រាស់ដោយផ្ទាល់នៅក្នុងផ្ទះ ផ្ដល់ជាប្រយោជន៍ ជាពិសេសសម្រាប់ស្ត្រី អ្នករស់នៅក្រោមបន្ទាត់នៃភាពក្រីក្រ និងជនមានពិការភាព។ ខណៈពេលដែលវិសាលភាពគ្របដណ្តប់នៅក្នុងតំបន់ប្រជុំជនមានអត្រា ៧០% មានប្រជាជនត្រឹមតែ ៤៧% នៃប្រជាជនសរុបតែប៉ុណ្ណោះ ដែលទទួលបានការផ្គត់ផ្គង់ទឹកតាមបំពង់ (២០២០)។ បើតាមការប៉ាន់ប្រមាណ គេត្រូវការការវិនិយោគយ៉ាងហោចណាស់ ២៦៤ លានដុល្លារ ដើម្បីពង្រីកវិសាលភាពលើភូមិដែលនៅសេសសល់។

កម្មវិធីហេដ្ឋារចនាសម្ព័ន្ធដែលអនុវត្តកន្លងមកដោយប្រទេសអូស្ត្រាលី ដែលមានឈ្មោះថា កម្មវិធីវិនិយោគលើហេដ្ឋាសម្ព័ន្ធ ឬ 3i បានអនុវត្តលើការវិនិយោគតាមរយៈវិធីសាស្ត្របំពេញចន្លោះហិរញ្ញវត្ថុ ដល់គម្រោងទឹកស្អាតចំនួន ៨០ នៅកម្ពុជា។ កម្មវិធីនេះបានផ្គត់ផ្គង់ទឹកដល់ប្រជាពលរដ្ឋជាង ២៥៣.០០០ គ្រួសារ។ វិធីសាស្ត្របំពេញចន្លោះហិរញ្ញវត្ថុនេះ បានកៀរគរការវិនិយោគពីវិស័យឯកជនក្នុងទឹកប្រាក់ប្រមាណ ១៦ លានដុល្លារ (ឬស្មើនឹង ៥៥% នៃចំណាយវិនិយោគសរុប)។

ប្រសិនបើពុំមានវិធីសាស្ត្របំពេញចន្លោះហិរញ្ញវត្ថុនេះទេ គ្រួសារទាំងនេះនឹងមិនទទួលបានទឹកស្អាតតាមបំពង់ប្រើប្រាស់នោះឡើយ។ ការប្រើប្រាស់ទឹកប្រចាំខែ កើនឡើងទ្វេដង ពី ៥ ដល់ ១២ ម៉ែត្រគីប ជាពិសេសក្នុងចំណោមគ្រួសារដែលធ្លាប់ទិញទឹកតាមឡានស៊ីទែនមកប្រើប្រាស់។

កម្មវិធី CAPRED កំពុងពិនិត្យលើជម្រើសហិរញ្ញប្បទានដទៃទៀត ដូចជាមូលនិធិអភិវឌ្ឍន៍វិស័យទឹកស្អាតជាដើម។ យើងក៏កំពុងជួយដល់រាជរដ្ឋាភិបាលកម្ពុជា ក្នុងការកសាងសមត្ថភាពរៀបចំលិខិតបទដ្ឋានគតិយុត្ត តាមដាន និងពង្រឹងការអនុវត្ត ធ្វើតេស្តលើគំរូធុរៈកិច្ចថ្មីៗ ផ្តល់ការគាំទ្របច្ចេកទេសដល់ប្រតិបត្តិករផ្គត់ផ្គង់ទឹកឯកជន និងលើកទឹកចិត្តឱ្យមានការចូលរួមពីយុវជនបន្ថែមទៀតនៅក្នុងវិស័យនេះ។

ថាមពលកកើតឡើងវិញចម្រុះ

ថាមពលត្រឹមតែ ៧,៨% នៅកម្ពុជាប៉ុណ្ណោះដែលជាថាមពលកកើតឡើងវិញចម្រុះ (VRE) –ដែលសុទ្ធតែជាថាមពលដើរដោយពន្លឺព្រះអាទិត្យ។ ថាមពលប្រភេទ VRE គឺជាអនាគតនៃការផ្គត់ផ្គង់ថាមពល។ ថាមពលប្រភេទនេះស្អាតជាង និងមានតម្លៃថោកជាងជម្រើសផ្សេងទៀត។ សព្វថ្ងៃនេះ តម្លៃនៃការផលិតថាមពលពីពន្លឺព្រះអាទិត្យ និងពីខ្យល់កាន់តែចុះថោក សូម្បីតែធៀបនឹងគម្រោងផលិតថាមពលដើរដោយធ្យូងថ្មដែលអស់ចំណាយតិចបំផុតក៏ដោយ។

ចំណាយលើថាមពលខ្ពស់ គឺជាឧបសគ្គមួយក្នុងចំណោមឧបសគ្គធំៗបំផុត ដែលបង្កការរាំងស្ទះដល់សមត្ថភាពប្រកួតប្រជែង និងការនាំចេញនៃវិស័យកែច្នៃកសិផលនៅកម្ពុជា។

ការផ្តល់លទ្ធភាពឱ្យអ្នកកែច្នៃកសិផលដំឡើងប្រព័ន្ធថាមពល VRE បន្ថែមទៀត នឹងទាក់ទាញយកការវិនិយោគ ក៏ដូចជាជំរុញការបង្កើតការងារ និងប្រាក់ចំណូលនៅក្នុងខ្សែចង្វាក់តម្លៃកសិកម្ម។

វិស័យ VRE សម្បូរដោយវិនិយោគិន និងដៃគូអភិវឌ្ឍន៍ធំៗ។ ហេតុដូច្នេះហើយទើប កម្មវិធី CAPRED សហការយ៉ាងជិតស្និទ្ធជាមួយរាជរដ្ឋាភិបាលកម្ពុជា ដើម្បីកំណត់ពីវិស័យជាយុទ្ធសាស្ត្រ និងផ្តល់ការគាំទ្រឱ្យចំគោលដៅដែលកម្ពុជាត្រូវការជាចាំបាច់ ដើម្បីទាញយក VRE បន្ថែមទៀត។

កម្មវិធី CAPRED នឹងជម្រុញគាំទ្រដល់សមត្ថភាពរបស់កម្ពុជាក្នុងការគ្រប់គ្រង VRE បន្ថែមទៀតនៅក្នុងប្រភពថាមពលចម្រុះ និងបង្កើតក្របខ័ណ្ឌគតិយុត្តដែលទាក់ទាញការវិនិយោគ។ កម្មវិធីនេះ នឹងគាំទ្រដល់ឱ្យក្រសួងរ៉ែ និងថាមពល អាជ្ញាធរអគ្គិសនីកម្ពុជា និងអគ្គិសនីកម្ពុជា ដើម្បីរិះរកបច្ចេកវិទ្យាទំនើបៗបន្ថែមទៀត ដើម្បីធ្វើសមាហរណកម្មថាមពល VRE និងគាំទ្រដល់ការកែសម្រួលប្រព័ន្ធតាមដាន និងត្រួតពិនិត្យបណ្តាញផ្គត់ផ្គង់អគ្គិសនីរបស់រដ្ឋ។

ប្រសិទ្ធភាពថាមពល

ផែនការអភិវឌ្ឍន៍វិស័យថាមពលនៃរាជរដ្ឋាភិបាលកម្ពុជា ប៉ាន់ប្រមាណថា កំណើនតម្រូវការថាមពលរហូតដល់ ១៧% នៃប្រទេសនេះ នឹងត្រូវបំពេញតាមរយៈវិធានការប្រសិទ្ធភាពថាមពល។ ត្រឹមឆ្នាំ ២០៣០ គោលដៅដែលត្រូវបានកំណត់នៅត្រឹមឆ្នាំ ២០៣០ គឺត្រូវសន្សំសំចៃថាមពល ១២១៥ មេហ្កាវ៉ាត់ ឬស្មើនឹង ១ ភាគ ៣ នៃការផ្គត់ផ្គង់នាពេលបច្ចុប្បន្ន។

ប្រទេសដទៃទៀតមានទីផ្សារសម្រាប់ក្រុមហ៊ុនផ្តល់សេវាថាមពល (ESCOs) ដែលវិនិយោគលើប្រសិទ្ធភាពថាមពល សម្រាប់បរិក្ខារឧស្សាហកម្ម។ ESCOs ដាក់ទុនវិនិយោគ និងប្រើប្រាស់ភាគលាភថាមពល ដើម្បីទូទាត់ថ្លៃកម្ចី។ បច្ចុប្បន្ននេះ នៅកម្ពុជា ពុំមានទីផ្សារសម្រាប់ ESCOs ឡើយ។

កម្មវិធី CAPRED នឹងអនុវត្តសាកល្បងគំរូវិនិយោគ ដែលមានសក្ដានុពលរវាង ESCOs និងធុរកិច្ចនានា ចាប់ផ្ដើមពីបរិក្ខាកែច្នៃកសិផលទៅ ដែលការចំណាយថាមពលលើការប្រើប្រាស់បរិក្ខាទាំងនោះ មានកម្រិតខ្ពស់។

យានយន្តអគ្គិសនី ក៏អាចកាត់បន្ថយការបញ្ចេញកាបូនក្នុងបរិមាណដ៏ច្រើនផងដែរ។ ខណៈពេលដែលអន្តរកាលដ៏សំខាន់នៃការប្រើប្រាស់យានយន្តអគ្គិសនី ផ្តល់ប្រយោជន៍ភាគច្រើនដល់អ្នកដែលមានទ្រព្យសម្បត្តិធូរធារ កម្មវិធី CAPRED នឹងពិនិត្យតាមដានលើគោលនយោបាយរបស់រាជរដ្ឋាភិបាល និងរិះរកច្រកចូល ដើម្បីឱ្យមានការវិនិយោគលើមធ្យោបាយដឹកជញ្ជូនអគ្គិសនី។

ធនធានចុងក្រោយ

មើលធនធានចុងក្រោយបំផុតរបស់យើងពីទូទាំងកម្មវិធី CAPRED ។

មើលច្រើនទៀត

តើលោកអ្នកជាម្ចាស់អាជីវកម្មខ្នាតតូច ហើយមិនទាន់បានស្នើសុំអាជ្ញាប័ណ្ណដើម្បីដំណើរការមែនទេ? យើងមានដំណឹងល្អសម្រាប់លោកអ្នក។ ថ្មីៗនេះ ប្រទេសអូស្ត្រាលីបានគាំទ្រក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដើម្បីបើកដំណើរការប្រព័ន្ធផ្តល់សេវាសាធារណៈឌីជីថលរបស់ខ្លួន សម្រាប់ស្នើសុំអាជ្ញាប័ណ្ណអាជីវកម្មអនឡាញ។ វិបផតថលនេះកាត់បន្ថយការចំណាយពេលវេលា និងកំលាំង ដោយយើងអាចសម្រួលដំណើរការក្នុងការស្នើសុំអាជ្ញាប័ណ្ណ ជាពិសេសវាផ្តល់អត្ថប្រយោជន៍ដល់ជនដែលមានពិការភាព ឬអ្នកដែលរស់នៅក្នុងតំបន់ដាច់ស្រយាល។ តាមរយៈប្រព័ន្ធផ្តល់សេវាសាធារណៈឌីជីថលនេះ លោកអ្នកអាចស្នើសុំប្រកាសដើម្បីបង្កើតសហគ្រាសធុនតូច និងមធ្យម (SMEs) ឬអាជីវកម្មសិប្បកម្ម ហើយស្នើសុំ ឬសុំបន្តអាជ្ញាប័ណ្ណ ដើម្បីដំណើរការអាជីវកម្មបែបនេះ។ គំនិតផ្តួចផ្តើមនេះមានគោលបំណងជំរុញកំណើនសេដ្ឋកិច្ចរបស់កម្ពុជា តាមរយៈការជួយបង្កើតជាផ្លូវការនូវវិស័យសហគ្រាសធុនតូចនិងមធ្យម សិប្បកម្ម និងឧស្សាហកម្ម ដែលមានជាង៧០%នៃការងារនៅក្នុងប្រទេសទាំងមូល។ អូស្ត្រាលីប្តេជ្ញាគាំទ្រកម្ពុជា ដើម្បីបង្កើតបរិយាកាសដែលអាចធ្វើអាជីវកម្ម ជំរុញកំណើនសេដ្ឋកិច្ច ប្រកបដោយភាពធន់ បរិយាបន្ន និងនិរន្តរភាព តាមរយៈកម្មវិធី CAPRED របស់ខ្លួន។ តើលោកអ្នកត្រៀមខ្លួនហើយឬនៅ? សូមចូលទៅកាន់ប្រព័ន្ធផ្តល់សេវាសាធារណៈឌីជីថល ដែលមាននៅទីនេះ៖ https://services.misti.gov.kh/ សូមទស្សនាវីដេអូ ដើម្បីស្វែងយល់បន្ថែម។

តើអ្នកដឹងទេ? ប្រមាណជា ៩៩.៨% នៃអាជីវកម្មកម្ពុជា គឺជាសហគ្រាសធុនមីក្រូ តូច និងមធ្យម (MSMEs) ហើយ ៦១% នៃទាំងនោះមានស្រ្តីជាម្ចាស់។ ប្រទេសអូស្ត្រាលី តាមរយៈកម្មវិធីអភិវឌ្ឍន៍សេដ្ឋកិច្ចដ៏សំខាន់របស់ខ្លួន គឺកម្មវិធីភាពជាដៃគូ កម្ពុជា អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់ (CAPRED) បានគាំទ្រក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (MISTI) ក្នុងការបង្កើត និងដាក់ឱ្យដំណើរការ ក៏ដូចជាផ្សព្វផ្សាយអំពីផែនការយុទ្ធសាស្រ្តបញ្ជ្រាបសមភាពយេនឌ័រ ពិការភាព និងបរិយាបន្នសង្គម (GEDSI-MAP) ឆ្នាំ ២០២៣-២០២៨។ លោកជំទាវ ឡាយ ណាវីន រដ្ឋលេខាធិការ និងប្រធានក្រុមការងារ GEDSI នៃក្រសួង ឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានគូសបញ្ជាក់ពីសារៈសំខាន់នៃផែនការនេះ ដើម្បីធានាឱ្យបាននូវឱកាសចូលរួម មិនត្រឹមតែសម្រាប់ស្រ្តីនោះទេ គឺរាប់បញ្ចូលទាំងជនមានពិការភាព ជនជាតិដើមភាគតិច និងជនដែលងាយរងគ្រោះផងដែរ។ មើលវីដេអូនេះ សម្រាប់ព័ត៌មានបន្ថែម។ Through its flagship economic development program, the Cambodia Australia Partnership for Resilient Economic Development (CAPRED), Australia supported the Ministry of Industry, Science, Technology & Innovation (MISTI) to develop, launch and disseminate the Gender Equality, Disability and Social Inclusion Mainstreaming Action Plan (GEDSI-MAP) 2023–2028. H.E. Lay Navinn, MISTI Secretary of State and Chairperson of the GEDSI Action Group, underscored the importance of the plan in ensuring opportunities for and participation by not only women but people with disability, ethnic minorities and other marginalised groups.

Australia's Support to the Cambodian Rice Sector

Australia’s support to the Cambodian rice sector Australia has provided longstanding support to Cambodia’s agriculture sector since the 1960s when it started sending agricultural experts to improve rice-based research. Other key collaborations include the establishment of the Cambodian Agricultural Research and Development Institute (CARDI) in 1999, a strong partnership with the Australian Centre for International Agricultural Research (ACIAR), and the Cambodia-Australia Agricultural Value Chain Program (CAVAC), which concluded in 2022. In July 2022, the Cambodia Australia Partnership for Resilient Economic Development (CAPRED) was launched as Australia’s flagship AUD87 million economic development program. CAPRED aims to support the Royal Government of Cambodia to build sustainable, resilient and inclusive economic growth.

Download Now

អូស្ត្រាលីគាំទ្រអាជីវកម្មខ្នាតតូចរបស់កម្ពុជា ជាមួយ...

អូស្ត្រាលីមានមោទនភាពក្នុងការជួយដល់ប្រទេសកម្ពុជាដើម...

Australia's Support to the Cambodian Rice Sector