អូស្ត្រាលីគាំទ្រដល់វិស័យកែច្នៃចំណីអាហារដែលកំពុងរីកចម្រើនរបស់កម្ពុជា

អូស្ត្រាលី បានសហការជាមួយក្រុមហ៊ុន  ភីភីអេហ្វ យ៉ាំមី ជាក្រុមហ៊ុនកម្ពុជាដែលកំពុងមានភាពរីកចម្រើនយ៉ាងឆាប់រហ័ស និងមានជំនាញក្នុងការផលិតអាហារសម្រាប់ចម្អិនលាយគ្រឿងរួចជាស្រេច ទឹកជ្រលក់ និងគ្រឿងទេស ដើម្បីគាំទ្រដល់ការពង្រីកសង្វាក់ផលិតកម្ម និងភាពជោគជ័យរបស់ក្រុមហ៊ុន។

តាមរយៈកម្មវិធី CAPRED របស់អូស្ត្រាលី ការគាំទ្ររបស់យើងរួមមាន:

✅ បំពាក់ឧបករណ៍ផលិតទំនើបបន្ថែម 

✅ ផ្តល់ជំនួយបច្ចេកទេសសម្រាប់ការអភិវឌ្ឍផលិតផលថ្មី

✅ គាំទ្រការទទួលបានវិញ្ញាបនបត្រស្តង់ដាសុវត្ថិភាពចំណីអាហារអន្តរជាតិ

ដោយសារតែការគាំទ្រនេះ កម្លាំងការងាររបស់ក្រុមហ៊ុន ភីភីអេហ្វ យ៉ាំមី បានកើនឡើង ហើយផលិតផលរបស់ក្រុមហ៊ុននាពេលនេះមាននៅលើផ្សារជាង ២៥០ កន្លែងនៅទូទាំងប្រទេសកម្ពុជា។ បច្ចុប្បន្ន ផលិតផលដែលផលិតដោយកម្ពុជាទាំងនេះ ក៏កំពុងឈានទៅដល់ទីផ្សារអន្តរជាតិ រួមមាន 🇦🇺 អូស្ត្រាលី 🇺🇸 សហរដ្ឋអាមេរិក 🇳🇿 នូវែលហ្សេឡង់ និង 🇰🇷 កូរ៉េ ផងដែរ។

អូស្ត្រាលី បន្តប្តេជ្ញាគាំទ្រដល់អាជីវកម្មកម្ពុជាឱ្យរីកចម្រើន ដើម្បីចូលរួមចំណែកដល់កំណើនសេដ្ឋកិច្ចរបស់កម្ពុជាប្រកបដោយភាពធន់ បរិយាបន្ន និងនិរន្តរភាព។