ថ្នាលព័ត៌មានកិច្ចព្រមព្រៀងពាណិជ្ជកម្មសេរីថ្មីរបស់កម្ពុជាត្រូវបានដាក់ឲ្យដំណើរការ

ពាណិជ្ជកម្មជំរុញឱ្យមានភាពរីកចម្រើន កំណើន និងការបង្កើតការងារ

ហេតុដូចនេះហើយបានជា អូស្ត្រាលីមានសេចក្តីរីករាយដែលបានធ្វើការជាមួយកម្ពុជា ដើម្បីគាំទ្រដល់ការអភិវឌ្ឍថ្នាលព័ត៌មានកិច្ចព្រមព្រៀងពាណិជ្ជកម្មសេរីថ្មីរបស់កម្ពុជា ដែលជាវេទិកាអនឡាញតែមួយគត់សម្រាប់អ្នកនាំចេញ និងអ្នកនាំចូល មានភាពងាយស្រួលក្នុងការទទួលបានព័ត៌មានអំពីកិច្ចព្រមព្រៀងពាណិជ្ជកម្មសេរីទ្វេភាគី និងពហុភាគីទាំង ១១ របស់កម្ពុជា។

ថ្ងៃនេះ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងលោកឯកអគ្គរដ្ឋទូត យីប បានរួមគ្នាប្រកាសដាក់ឲ្យប្រើប្រាស់ថ្នាលព័ត៌មានមួយនេះ ដែលប្រព្រឹត្តធ្វើឡើងនៅក្រសួងពាណិជ្ជកម្ម។ 

🌐 ហេតុអ្វីត្រូវប្រើថ្នាលព័ត៌មានកិច្ចព្រមព្រៀងពាណិជ្ជកម្មសេរី?

✔️ឥតគិតថ្លៃ មានភាសាខ្មែរ និងអង់គ្លេស និងងាយស្រួលប្រើប្រាស់

✔️ទទួលបានព័ត៌មានពាណិជ្ជកម្មសំខាន់ៗ

✔️យល់ដឹងអំពីអត្រាពន្ធ និងនីតិវិធីក្នុងការស្នើរសុំវិញ្ញាបនប័ត្រ

✔️ស្វែងយល់ពីឱកាសនាំចេញថ្មីៗ

ថ្នាលព័ត៌មាននេះ នឹងអនុញ្ញាតឱ្យអ្នកនាំចេញទាញយកអត្ថប្រយោជន៍ពេញលេញពីកិច្ចព្រមព្រៀងពាណិជ្ជកម្មសេរីរបស់កម្ពុជា ដែលជួយជំរុញដល់ការនាំចេញ ការប្រកួតប្រជែង និងការអភិវឌ្ឍ។  

👉 ស្វែងយល់អំពី ថ្នាលព័ត៌មានកិច្ចព្រមព្រៀងពាណិជ្ជកម្មសេរី នៅទីនេះ៖ https://ftaportal.moc.gov.kh/en/