ហិរញ្ញប្បទានអាកាសធាតុមានសារៈសំខាន់ណាស់ ក្នុងការជួយកម្ពុជា ដើម្បីដោះស្រាយបញ្ហាផលប៉ះពាល់ពីការប្រែប្រួលអាកាសធាតុ និងកសាងសេដ្ឋកិច្ចដែលគ្មានការបំភាយឧស្ម័នកាបូន។ ទោះជាយ៉ាងនេះក្តី ការទទួលបានហិរញ្ញវត្ថុនេះនៅតែជាបញ្ហាប្រឈមដ៏ធំ។
អូស្ត្រាលីកំពុងផ្តល់ជំនួយចាំបាច់ដើម្បីរៀបចំធនាគារអភិវឌ្ឍន៍កសិកម្ម និងជនបទកម្ពុជា (ARDB) តាមរយៈដៃគូយុទ្ធសាស្ត្រមេគង្គ (MSC) ក្នុងគោលដៅបង្កើតមូលនិធិហិរញ្ញប្បទានអាកាសធាតុកម្ពុជា (CCFF) ដែលជាគំនិតផ្តួចផ្តើមឈានមុខគេក្នុងការផ្តល់ហិរញ្ញប្បទានអាកាសធាតុនៅក្នុងវិស័យឯកជនកម្ពុជា។
មូនិធិហិរញ្ញប្បទានអាកាសធាតុកម្ពុជា ស្ថិតនៅក្រោម ធនាគារអភិវឌ្ឍន៍ជនបទ និងកសិកម្ម ហើយ ត្រូវបានគាំទ្រដោយមូលនិធិអាកាសធាតុបៃតង រាជរដ្ឋាភិបាលកម្ពុជា និងសហហិរញ្ញប្បទានផ្សេងៗទៀតដែលមានទុនវិនិយោគដំបូងចំនួន ១០០ លានដុល្លារ។
តាមរយៈការគាំទ្រពីកម្មវិធី CAPRED របស់ប្រទេសអូស្ត្រាលី មូនិធិហិរញ្ញប្បទានអាកាសធាតុកម្ពុជា ត្រូវបានគេរំពឹងថានឹងដំណើរការនៅពាក់កណ្តាលឆ្នាំ ២០២៥ ដើម្បីផ្តល់ហិរញ្ញប្បទានរយៈពេលវែងដល់គម្រោងកាត់បន្ថយការប្រែប្រួលអាកាសធាតុ និងគម្រោងបន្សាំនានាក្នុងប្រទេសកម្ពុជា។
ភាពធន់នឹងអាកាសធាតុគឺជាចំណុចស្នូលនៃភាពជាដៃគូរបស់ប្រទេសអូស្ត្រាលីជាមួយប្រទេសកម្ពុជា ខណៈដែលយើងកំពុងធ្វើការរួមដើម្បីការអភិវឌ្ឍសេដ្ឋកិច្ចប្រកបដោយភាពធន់បរិយាបន្ន និងនិរន្តរភាព។
ភាសាខ្មែរ
