អូស្ត្រាលីជំរុញការវិនិយោគប្រកបដោយគុណភាពនៅកម្ពុជា

អូស្ត្រាលីកំពុងសហការជាមួយរាជរដ្ឋាភិបាលកម្ពុជា ដើម្បីជំរុញការវិនិយោគ និងពាណិជ្ជកម្ម ដែលរួមចំណែកដល់កំណើនសេដ្ឋកិច្ចប្រកបដោយភាពធន់បរិយាបន្ននិងនិរន្តរភាពនៅកម្ពុជា។

តាមរយៈកម្មវិធី CAPRED អូស្ត្រាលីកំពុងគាំទ្រក្រុមប្រឹក្សាអភិវឌ្ឍន៍កម្ពុជា (CDC) ក្នុងការរៀបចំសេចក្តីព្រាងយុទ្ធសាស្ត្រជំរុញការវិនិយោគរយៈពេលបីឆ្នាំ (២០២៥-២០២៨)។ 

យុទ្ធសាស្ត្រនេះនឹងផ្តោតលើវិស័យកសិ-ចំណីអាហារ និងឧស្សាហកម្មអេឡិចត្រូនិច។ កម្មវិធីនេះជាផ្នែកមួយនៃការគាំទ្ររបស់អូស្ត្រាលីសម្រាប់កំណើនសេដ្ឋកិច្ចប្រកបដោយបរិយាបន្ននៅកកម្ពុជានិងរួមចំណែកដល់ការជំរុញយុទ្ធសាស្ត្រសេដ្ឋកិច្ចអាស៊ីអាគ្នេយ៍របស់អូស្ត្រាលីដល់ឆ្នាំ ២០៤០ ដែលជំរុញវិស័យពាណិជ្ជកម្ម និងការវិនិយោគទ្វេភាគីក្នុងតំបន់។   

ថ្មីៗនេះ លោកស្រី Kanu Negi លេខាទីមួយរបស់ស្ថានទូត និងឯកឧត្តម នុត អ៊ុនវ័ណរ៉ា អគ្គលេខាធិការរងគណៈកម្មាធិការវិនិយោគកម្ពុជា បានដឹកនាំកិច្ចប្រជុំអន្តរក្រសួងរបស់ CDC ដើម្បីពិភាក្សាពីបរិយាកាសវិនិយោគ បច្ចុប្បន្ន ព្រមទាំងកំណត់បញ្ហានិងឱកាសដើម្បីពង្រឹងយុទ្ធសាស្ត្រ និងផែនការការងារពាក់ព័ន្ធ។